• სექტემბერი 19, 2021 4:59 pm

,,ქართული სამსაჯო სკოლის მიმართ ნდობა იზრდება” – ნიკა ამაშუკელი 20-წლამდელთა 6 ერის მატჩებს განსჯის

საქართველოს საუკეთესო მსაჯი ნიკა ამაშუკელი, ივნისში 20-წლამდელთა ექვსი ერის ორ შეხვედრას იმსაჯებს.

პანდემიის გამო გადადებული ტურნირი ზაფხულში ერთ ლოკაციაზე, უელსის დედაქალაქ კარდიფში „არმს პარკზე“ გაიმართება.

ტურნირი 19 ივნისს დაიწყება და 13 ივლისს დასრულდება.

ამაშუკელი პირველ ტურში უელსისა და იტალიის შეხვედრას იმსაჯებს, 25-ში კი ინგლისისა და შოტლანდიის დაპირისპირებას განსჯის.მ

ნიკა ამაშუკელი: ,,მიხარია, რომ ასეთ მაღალი დონის ტურნირზე კიდევ დამიძახეს და მაღალი კონკურენციის მიუხედავად, ორ თამაშზე დამნიშნეს. ეს ადასტურებს, რომ ქართული სამსაჯო სკოლის მიმართ ნდობა იზრდება.

ტურნირი ,,კარდიფ ბლუზის’’ შესანიშნავ არენაზე იმართება და საოცარი ატმოსფერო იქნება, მით უმეტეს, რომ უელსში ტრიბუნებზე გულშემატკივარიც დაიშვება. პირველ მატჩში მასპინძელი უელსი იტალიას მასპინძლობს. წინა წლებში იტალიელებმა დაამტკიცეს, რომ ამ დონეზე ხელწამოსაკრავი გუნდი არ ყავთ და მძიმე თამაშს ველოდები. ერთ კვირაში ინგლისი შოტლანდიას ეთამაშება. აქ ინგლისი ფავორიტია, თუმცა სარაგბო სამყაროში, ამ გუნდების დაპირისპირება პრინციპულობით გამოირჩევა და მიხარია მისი განსჯა მე რომ მანდეს“ – განაცხადა ამაშუკელმა.

წყარო: rugby.ge

კომენტარის დატოვება

თქვენი ელფოსტის მისამართი გამოქვეყნებული არ იყო.