• შაბ. აპრ 17th, 2021

გიორგი შერმადინის 15 ქულა ესპანეთის ჩემპიონატში

ესპანეთის ჩემპიონატის მატჩში საქართველოს ნაკრების კალათბურთელმა გიორგი შერმადინმა შესანიშნავად ითამაშა და ,,ტენერიფეს” გამარჯვებაში თავისი წვლილი შეიტანა.

კანარის კუნძულების გუნდმა სევილიაში, ადგილობრივი ,,ბეტისი” 11-ქულიანი სხვაობით 93:82 დაამარცხა.

შერმადინმა 20:40 წუთი ითამაშა. ქართველმა ცენტრმა ამ დროის განმავლობაში 15 ქულა და 4 მოხსნა მიითვალა.

მატჩის MVP ,,ტენერიფეს” ფინელი კალათბურთელი საშუ სალინი გახდა.
სკანდინავიელმა 20 ქულა და 5 მოხსნა დააგროვა.

გიორგი შერმადინის გუნდს ACB ლიგაში 21 მოგების წილ, 5 მარცხი აქვს და მე-3 ადგილზე იმყოფება.

კომენტარის დატოვება

თქვენი ელფოსტის მისამართი გამოქვეყნებული არ იყო.