• სექტემბერი 16, 2021 9:08 pm

ვილი სინიოლი – ნეგატიურ გრძნობებზე არ ვისაუბრებ, ჩემი ფეხბურთელებით ისევ ვამაყობ.

ესპანეთი vs საქართველო მმატჩის დასრულების შემდეგ ვილი სანიოლმა (საქართველოს ნაკრების მწვრთნელი) პრესკონფერენციაზე შემდეგი განცხადება გააკეთა.

“ნეგატიურ გრძნობებზე არ ვისაუბრებ, ჩემი ფეხბურთელებით ისევ ვამაყობ. მაქსიმალურად ვეცადეთ, მაგრამ მეორე ტაიმში გაგვიჭირდა. სამწუხაროდ, ყველა ფეხბურთელი თავის გუნდში 90 წუთს ვერ თამაშობს და ასეთ დროს ძალიან იღლები. ბოლო 15 წუთი ძალიან დავიღალეთ. პირველი ტაიმი ძალიან კარგი გვქონდა. მიმაჩნია, რომ კაკაბაძემ კარგად ითამაშა. თუმცა, პრობლემა ისაა, რომ ის ბევრს არ თამაშობს თავის კლუბში. ფიზიკურად გაუჭირდა. რამდენიმე თვის წინ, ჩაბრაძე ,,თელავში” თამაშობდა და ნაკრებში მას არავინ წარმოიდგენდა, შვედეთში კი ძალიან კარგად ითამაშა. მიმაჩნია, რომ ასეთ მმატჩებში გამოცდილებასა და თავდაჯერებას ვიძენთ. მიქაუტაძესა და კაჭარავას ტრავმა აქვთ, სამწუხაროდ ლობჟანიძემ ბოლოს დაიწყო თამაში, მაგრამ მინდა ვთქვა, რომ ზივზივაძესა და ქვილითაიას ჩემი სრული ნდობა გააჩნიათ. არ უნდა დაგვავიწყდეს, რომ სამწუხაროდ ასეთი კალენდარი ფიფამ შეადგინა. ფეხბურთელები 22-ში ჩამოვიდნენ, 2 ვარჯიშის შემდეგ გავფრინდით შვედეთში, მერე უკან, მაგრამ, ფეხბურთელებს უდიდესი ენთუზიაზმი აქვთ, უდიდესი ინტერესით ვარჯიშობენ. როგორც შვედეთთან, ისე ესპანეთთან, შეიძლება ბევრს არ ველოდით, მაგრამ საბერძნეთთან სამი ქულისთვის ვითამაშებთ, სულ დაცვაში ყოფნას არ ვაპირებთ. იმედია, მოთამაშეები ძალებს მალე აღიდგენენ ძალებს, ხოლო ვისაც არ უთამაშია, მათი შანსები იზრდება. ორი დიდი მატჩი ჩავატარეთ, მაგრამ ქულა არ გვაქვს. მიმაჩნია, რომ ესპანეთს მუნდიალზე გასვლის ყველაზე დიდი შანსი აქვს. მადლობა ლუის ენრიკეს კომპლიმენტისთვის, ეს მოთამაშეებისკენ მიმართული გზავნილია. მესამე მატჩში ჩვენ მეტი მდგრადობა უნდა გქვონდეს, რაც ესპანეთთან დაგვაკლდა. მსაჯების მოქმედებაზე არ ვისაუბრებ. ფეხბურთელებიცა და მწვრთნელებიც ვუშვებთ შეცდომებს. შესაძლოა, სათადარიგოთა სკამიდან ყველაფერი სხვანაირად ჩანდა. დღევანდელ ფეხბურთში, ასაკს რომ მნიშვნელობა მივანიჭოთ და 35 წელს გადაცილებული მოთამაშეები არ გამოვიძახოთ, კრიშტიანო რონალდო ნაკრებში ვეღარ მოხვდება. ლორიამ შვედეთთან კარგად ითამაშა, დღეს შეიძლება იგივე აზრზე არ ხართ. მე ლორიას თამაშით კმაყოფილი ვარ. გვყავს ახალგაზრდა მეკარეები, ისინი კარგი რესურსი არიან. კვარა ჯერ ისევ ახალგაზრდაა, ტალანტი აქვს, მაღალი დონე. ხვიჩამ მეტი უნდა იშრომოს, ბურთს უკეთ მოეპყროს, ზოგჯერ არასაჭირო რისკს წევს. “რუბინში” კარგი მწვრთნელი ჰყავს და სწორ გზაზეა. კვარაცხელიასა და საქართველოს ნაკრების ყველა ფეხბურთელს უკეთეს ლიგებსა და კლუბებში თამაშს ვუსურვებ, ეს ჩვენ ძალიან დაგვეხმარება”.

კომენტარის დატოვება

თქვენი ელფოსტის მისამართი გამოქვეყნებული არ იყო.