მარტი 29, 2024

,,უმცროსი ბორჯღალოსნების” სამწვრთნელო შტაბმა, 2002-2003 წელს დაბადებული 49 მორაგბე „შევარდენზე“, ერთკვირიან სასელექციო შეკრებაზე შეიყვანა.

გუნდი იწყებს მზადებას 2022 წლის მსოფლიო რაგბის ახალგაზრდული ჩემპიონატისთვის, რომელიც კოვიდ-პანდემიის გამო ბოლო ორი წელია არ გამართულა.

პანდემიის გამო, ამ მოთამაშეების უმეტესობას 18-წლამდელთა ნაკრებშიც არ მოუწია თამაში და საერთაშორისო მატჩების გამოცდილება არ აქვთ. უმცროსი ბორჯღალოსნების მთავარი მწვრთნელი ილია მაისურაძე იმედოვნებს, რომ 2022 წლამდე გუნდს 15-16 მაღალი დონის თამაში ექნება და ამ დანაკლისის აღმოფხვრა მოხდება.

ის ასევე ფიქრობს, კოვიდპანდემიის გამო გაცდენილი 20-წლამდელთა მსოფლიო ჩემპიონატის, ასევე 20-წლამდელთა ექვსი ერის და სხვა ტურნირების გაცდენის გამო, გამოცდილების ნაკლებობა ყველა გუნდს ექნება, რაც შანსებს ათანაბრებს:

„მაღალი მიღწევების აკადემია რომ შეიქმნა, პირველი სელექცია სწორედ 2002-2004 წლებში დაბადებულ მორაგბეებს შეეხო და ახლა ეს ბიჭები 20-წლამდელთა ნაკრების კანდიდატები არიან. მწვრთნელები სამივე ასაკობრივ ჯგუფზე გადავნაწილდით, გვქონდა მომზადების ინდივიდუალური პროგრამები. გვსურს ავაწყოთ სისტემა, რომლის მეშვეობით თვალსაჩინო იქნება ყველა მოთამაშის პროგრესი და ახლა სწორედ ამ გზაზე ვართ. ამ სისტემის თანახმად, მოთამაშეებმა უნდა გაიარონ მაღალი მიღწევების აკადემია, 18 და 20-წლამდელთა ნაკრებები, ფრანჩაიზი და მივიდნენ ეროვნულ გუნდამდე.

„სამწუხაროდ, პანდემიის გამო 20-წლამდელთა ჩემპიონატი ორი წელია ვერ ტარდება და ამ თაობის მორაგბეებს ასე საჭირო გამოცდილება დააკლდათ, რაც განვითარებისთვის უმნიშვნელოვანესია. ამ ეტაპზე შეკრებაზე უმეტესად აღმოსავლეთ საქართველოს კლუბების მოთამაშეები გვყავს. ძალიან კარგი თაობაა, თუმცა 2022 წლის ჩემპიონატამდე, მინიმუმ 15-16 მაღალი დონის თამაში გვჭირდება და ტურნირს კარგად მომზადებული შევხვდებით.

„რადგან პანდემიის გამო პრაქტიკულად არცერთი ახალგაზრდული ტურნირი არ ჩატარებულა, ვფიქრობთ, რომ გაისად გუნდების დონე გათანაბრებული იქნება და გვაქვს პრეტენზია, რომ ჯგუფიდან გასვლისთვის ვიბრძოლოთ“.

შეკრება, რომელიც 26 აპრილს დაიწყო, 1 მაისს დასრულდება. რომელ მოსამზადებელ ტურნირებსა და მატჩებში მიიღებენ მონაწილეობას ,,უმცროსი ბორჯღალოსნები” უახლოეს პერიოდში გახდება ცნობილი.

უმცროსი ბორჯღალოსნების სასელექციო შეკრება (მზადება 2022 წლის მსოფლიოსთვის)

დავით გველესიანი (ლელო), თამაზ ჯიმშელეიშვილი (ლელო), სერგი აბრამიშვილი (ხვამლი), გიორგი მაისურაძე (ლელო), ემზარ ხუჭუა (ხვამლი), გიორგი გოგუაძე (ხარები), ნიკოლოზ ბაბუნაშვილი (ლელო), ბასა ხონელიძე (აია), ლაშა ფხაკაძე (აია), სანდრო ქუნთელია (ლელო), ირაკლი აფციაური (ლელო), ბადრი ციხისთავი (ლელო), გუგა ღაინაშვილი (ლელო), ნიკოლოზ კინწურაშვილი (ლელო), დავით არველაძე (ხვამლი), ირაკლი სულეიმანაშვილი (ხვამლი), ალექსანდრე ბურდული (ლელო), ბექა გელხვიძე (ლელო), ლაშა ციხისთავი (ლელო), რატი ზაზაძე (არმაზი), ნიკა სუთიძე (ლელო), ოთარ ჯალაღონია (ლელო), გიორგი ქობალია (ლელო), გიორგი კურტანიძე (ლელო), ლუკა არჩვაძე (ლელო), კოტე იაშვილი (აკადემია), დავით ხუროშვილი (ლელო), პეტრე ხუციშვილი (ლელო), დავით იმნაძე (იუნკერები), თაზო კევლიშვილი (არმაზი), გიორგი პიტიურაშვილი (ხვამლი), ბაჩანა მონიავა (ხვამლი), ზურაბ ონიანი (არმაზი), თენგიზ სკამკოჩაშვილი (იუნკერები), საბა ლიპარტელიანი (ლელო), თორნიკე კახოიძე (ლელო), დიტო ბერაია (ლელო), რატი ბერაია (ლელო), ლაშა ცხოვრებაძე (ხარები), საბა არჩვაძე (ლელო), საბა არაგველი (ხვამლი), შალვა აფციაური (ლელო), გაგა ქევხიშვილი (ლელო), ლუკა კვენეტაძე (ლელო), გიორგი ნავროზაშვილი (არმაზი), საბა დათიაშვილი (აკადემია), დავით ნინიაშვილი (ხვამლი), პაატა გალდავა (აია), არჩილ იაშაღაშვილი (ლელო).

მთავარი მწვრთნელი: ილია მაისურაძე

მწვრთნელები: ზურა ამონაშვილი, ლადო კილასონია, თორნიკე ბუბუტეიშვილი

ფიზ. მომზადება: გიორგი ნადარეიშვილი, გივი ნადარეიშვილი

ექიმი: ოდისეი სადოევი

ოსტეო: ირაკლი შაორშაძე

ფიზიო: რომან სახოკია

ვიდეოანალიტიკოსი: ვლადიმერ კუპრეიშვილი

მენეჯერი: ოთარ იაშვილი

წყარო: rugby.ge

 

16 thoughts on “შეკრება და მზადება მსოფლიოს ჩემპიონატისთვის – ილია მაისურაძემ ,,უმცროსი ბორჯღალოსნები” დარაზმა

გაიარეთ ავტორიზაცია კომენტარის დასამატებლად: marcus-trettin.de კომენტარის გაუქმება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *