ლეგენდარულმა ქართველმა ფეხბურთელმა და ამჟამად ქალაქ თბილისის მერმა კახა კალაძემ “მილანისა” და “ნაპოლის” მატჩის წინ Prime Video-ს ეთერში ხვიჩა კვარაცხელიას შესახებ ისაუბრა. მისი თქმით, 22 წლის გარემარბს შეუძლია მსოფლიოს საუკეთესო ფეხბურთელი გახდეს.
“ჯერ კიდევ ბავშვი იყო, როდესაც ვაკვირდებოდი, ნამდვილი ფენომენია. მას განვითარება კიდევ შეუძლია, რათა მსოფლიოს საუკეთესო ფეხბურთელი გახდეს, ჯერ კიდევ ძალიან ახალგაზრდაა. “მილანისა” და “ნაპოლის” დაპირისპირება? იმედი მაქვს, ლამაზ სანახაობას ვიხილავთ” – განაცხადა კალაძემ.
