ივნისი 4, 2023

18 აპრილს, ჩემპიონთა ლიგის 1/4-ფინალის განმეორებით მატჩში “ნაპოლიმ” “მილანს” უმასპინძლა. მატჩი ფრედ, 1:1 დასრულდა. “პარტენოპეის” გარემარბმა ხვიჩა კვარაცხელიამ კარგი მატჩი ჩაატარა; მეტიც, ქართველმა შემტევმა ორივე გუნდის შემადგენლობიდან ყველაზე მაღალი შეფასებაც დაიმსახურა. ამჯერად გთავაზობთ იტალიური მედიის შეფასებას:

 

“ხვიჩამ ხელიდან ოთხი კარგი შანსი გაუშვა, მათ შორის – პენალტიც, რომელიც 1/2-ფინალის საგზურისკენ წინ გადადგმული ნაბიჯი იქნებოდა. თუმცა “ნაპოლის” რიგებიდან ყველაზე მეტს ცდილობდა და სხვებზე დამაჯერებელი იყო” – Areanapoli 6 ქულა.

 

“თავიდან კარგად დაიწყო, თუმცა ხელიდან რამდენიმე კარგი მომენტი გაუშვა. თერთმეტმეტრიანის ნიშნულიდან გატანა

ვერ შეძლო, რითაც “მარადონაზე” შეკრებილ გულშემატკივარს ბოლო იმედი წაართვა” – Goal Italia 4.5 ქულა.

 

“კალაბრიას წინააღმდეგ ვერაფერი გააწყო, ბოლო იმედის პენალტი კი ვერ გამოიყენა” – Calcionapoli 5 ქულა.

 

“პიოლიმ მის წინააღმდეგ ორმაგი, ზოგჯერ კი სამმაგი დაცვაც გამოიყენა, თუმცა ის მეტოქეებს მაინც სცდებოდა. მეორე ტაიმში გალიიდან თავის დაღწევა მოახერხა. გუნდს აფხიზლებდა და ბოლო შანსს უნარჩუნებდა. მატჩის გადამწყვეტ მომენტში მის მიერ გაფუჭებულმა თერთმეტმეტრიანმა ქომაგებს იმედი წაართვა” – Corriere dello Sport-ი 5 ქულა.

 

“მთელი მატჩის განმავლობაში დრიბლინგების შესრულებას და შანსების შექმნას ცდილობდა, თუმცა კალაბრიას ხშირად ვერ სცდებოდა. ზოგიერთ მომენტში თამაში თავის თავზე აიღო და თანაგუნდელები არ შეიმჩნია. გაფუჭებულ პენალტს მატჩის ბედის შეცვლა შეეძლო” – Sportmediaset-ი 4.5 ქულა.

 

შეგახსენებთ, ხვიჩა კვარაცხელიამ მიმდინარე სეზონში “ნაპოლის” მაისურით ყველა ტურნირზე 35 მატჩი ჩაატარა, თავი კი 14 გატანილი გოლითა და 16 საგოლე პასით გამოიჩინა.

კომენტარის დატოვება

თქვენი ელფოსტის მისამართი გამოქვეყნებული არ იყო.