,,ნაპოლის”მორიგი დამაჯერებელი გამარჯვება- ნეაპოლელები ჩემპიონთა ლიგას შესანიშნავ ფორმაში ხვდებიან

იტალიის ჩემპიონატის 23-ე ტურში ,,ნაპოლი” ,,სასუოლოს” ესტუმრა და დამაჯერებლად დაამარცხა.(0-2)

მატჩი სასტარტო შემადგენლობაში დაიწყო ხვიჩა კვარაცხელიამ, რომელმაც შესანიშნავი შეხვედრა ჩაატარა. კვარამ მე-12 წუთზე ბრწყინვალე დრიბლინგი გოლით დააგვირგვინა და ანგარიში გახსნა.

ეს მატჩი უგოლოდ არ დაუსრულებია ნიგერიელ შემტევს, ვიქტორ ოსიმენს, ოსიმენმა კიდევ ერთი ლამაზი გოლი გაიტანა შეხვედრის 33-ე წუთზე.

ხვიჩა მოედნიდან 78-ე წუთზე გაიყვანეს.

,,ნაპოლიმ” დამატებით დროში კიდევ ერთი გოლის გატანა შეძლო, თუმცა ჯოვანი სიმეონეს ვიდეო რეფერიმ გოლი გაუუქმა.

სპალეტის გუნდი 62 ქულით დამაჯერებლად ლიდერობს ჩემპიონატს.