გასულ კვირას, ინდონეზიაში მომხდარმა ტრაგედიამ მთელი მსოფლიო შეძრა, პოლიციასა და გულშემატკივრებს შორის შეტაკებას 131 ადამიანის სიცოცხლე ემსხვერპლა.
სამწუხაროდ, წარსულიდან არსებობს რამდენიმე საფეხბურთო მატჩი, რომელიც დიდ დაპირისპირებაში გადაიზარდა და უამრავი ადამიანის სიცოცხლე შეიწირა.
1) პერუ – არგენტინა 1964 წელი ( 328 გარდაცვლილი)
პერუსა და არგენტინას შორის დაპირისპირება 1964 წელს, ტოკიოს ოლიმპიური თამაშების შესარჩევ ეტაპზე გაიმართა, “ალბისელესტე” 1-0 იგებდა, პერუელებმა ანგარიშის გათანაბრება მოახერხეს, თუმცა შეხვედრის მთავარმა არბიტრმა, ანხელ ედუარდო პაცოს ბიანკიმ გოლი გააუქმა, რასაც ადგილობრივი გულშემატკივრის გაღიზიანება მოჰყვა, ქომაგები მოედანზე შეიჭრნენ, პოლიციელებმა
მათ შესაჩერებლად ცრემლსადენი გაზი გამოიყენეს, მატჩი ჩაიშალა, გამარჯვება კი არგენტინელებს დარჩათ, 328 ადამიანი გარდაიცვალა, მათგან 90 პროცენტი ასფიქსიის გამო.
2) “ნაპოლი” – “ბოლონია” 1955 წელი (152 გარდაცვლილი)
“ნაპოლისა” და “ბოლონიას” შორის მატჩში, მსაჯმა სტუმართა სასარგებლოდ პენალტი დანიშნა, რასაც “პარტენოპეის” ქომაგთა აღშფოთება მოჰყვა და მოედანზე შეიჭრნენ, გარდაიცვალა 152 ადამიანი, მათგან კი 50 პოლიციის ოფიცერი იყო.
3) “ნოტინგემ ფორესტი” – “ლივერპული” 1989 წელი “ჰილსბროს ტრაგედია” (97 გარდაცვლილი)
1989 წელს ინგლისის თასის ნახევარფინალში ერთმანეთს “ნოტინგემ ფორესტი” და “ლივერპული” დაუპირისპირდნენ, ამ შემთხვევაში, პოლიციასა და გულშემატკივარს შორის შეტაკებას ადგილი არ ჰქონია, კატასტროფის მიზეზი სტადიონზე ზედმეტად ბევრი ქომაგის ყოფნა და სტიუარდების დაუდევრობა გახდა, რომლებმაც კარიბჭეები იმ სექტორში გახსნეს, რომლებიც უკვე გადავსებული იყო, შედეგად მოხდა ჭყლეტვა, 94 ადამიანი ადგილზე დაიღუპა. თავდაპირველად მომხდარში ბრალი “ლივერპულის” ქომაგებს ედებოდათ, თუმცა 2012 წელს გამოძიება დასრულდა და დადგინდა, რომ დამნაშავე შეფილდის პოლიციის იმჟამინდელი შეფი იყო, “სქაუზერთა” გულშემატკივრებს კი 23 წლიანი ტყუილის გამო ბოდიში მოუხადეს.
