ბათუმის “დინამოს” მეტოქე მძიმე კრიზისშია

ბათუმის “დინამო” 21/28 ივლისს კონფერენს ლიგაზე პოლონურ “ლეხს” დაუპირისპირდება.

“ლეხი” ამ მატჩამდე საკმაოდ მძიმე კრიზისშია და 3-მატჩიანი წაგების სერია აქვს.

გუნდი ჩემპიონთა ლიგის საკვალიფიკაციო ეტაპიდან “ყარაბახმა” გამოაგდო. ჯერ “ლეხმა” 1-0 მოიგო, ხოლო, აზერბაიჯანში 5-1 განადგურდა.

პოლონეთის სუპერთასზე “რაკუვმა” 0-2 დაამარცხა. ბოლოს კი ჩემპიონატის პირველ ტურში “სტალ მიელეცთან” 0-2 წააგო.

გუნდის შემადგენლობაში 2 ქართველი, ნიკა კვეკვესკირი და გიორგი წიტაიშვილი ირიცხებიან.