ვესტ ჰემის ნახევარმცველი დეკლან რაისი უეფამ ორი თამაშით დასაჯა მსაჯის მიმართ გაბრაზებული ყვირილის შემდეგ ევროპის ლიგის ნახევარფინალში ფრანკფურტთან მარცხისას.
ინგლისელმა ფეხბურთელმა ჰესუს გილ მანზანო კორუფციაში დაადანაშაულა ვიდეოში, რომელიც, როგორც ჩანს, 5 მაისს თამაშის შემდეგ გვირაბში იყო გადაღებული. ფრანკფურტში 0-1 დამარცხებისას მოედნიდან გააძევეს ჰამერსის ბოსი დევიდ მოიესი და მცველი აარონ კრესველი.
მოიესი დასჯილია ერთი თამაშით.
რაისი გამოტოვებს ვესტ ჰემის ევროპის საკონფერენციო ლიგის პლეი-ოფის ორივე თამაშს აგვისტოში “მსაჯო,მსაჯო ძალიან ცუდი ხარ , მთელი ღამე, კატასტროფაა“, – უყვირა რაისმა ესპანელ ოფიციალურ პირს ვიდეოში. “როგორ შეიძლება იყო ასეთი ცუდი, პატიოსნად მიპასუხე ? ალბათ გადახდილი აქვთ.”
ვესტ ჰემმა იმ დროს დაადასტურა, რომ ისინი არანაირ ზომებს არ მიიღებდნენ რაისის წინააღმდეგ. მოიესმა თქვა: “თუ უეფა მას დასჯის, ეს მათზეა დამოკიდებული, მაგრამ არა ჩემი მეთვალყურეობის ქვეშ.” ჩაქუჩები 1500 ფუნტით დააჯარიმეს, რადგან ფრანკფურტში გამართულ თამაშზე გულშემატკივრებმა ფეიერვერკი გამოიყენეს, ასევე მასპინძლებიც დაისაჯნენ.
ფრანკფურტმა უნდა ითამაშოს ერთი თამაში დახურულ კარს მიღმა – ჯარიმა შეჩერებულია ორი წლით – და დაჯარიმდა 69,000 ფუნტით 6 დანაშაულისთვის, რომელიც გულშემატკივრებს ეხება.
