გიბრალტართან მატჩის მე-40 წუთზე ტრავმა მიიღო გიორგი წიტაიშვილმა. საქართველოს ნაკრების მარცხენა ნახევარმცველი მაღალი ბურთისთვის ბრძოლაში თავით შეასკდა მეტოქე ფეხბურთელს, რომელმაც თამაში გააგრძელა, წიტაიშვილი კი შესაცვლელი გახდა.
ეროვნული ნაკრების ფეისბუქგვერდის ინფორმაციით, გიორგის თავზე სურათი გადაუღეს. პასუხი დადებითია – ანუ, გიორგის ყველაფერი წესრიგში აქვს, რაც იმას ნიშნავს, რომ 21 წლის ნახევარმცველი ნაკრებთან ერთად ბულგარეთში გაემგზავრება.
