ძალიან ბევრი პოლონური გამოცემა ბოლო 2 დღეა აქტიურად წერს “ლეგიას” მხრიდან ბათუმის “დინამოს” გოლკიპერის, ლაზარე კუპატაძის მიმართ დაინტერესებაზე.
42 წლის არტურ ბორუცი სეზონის ბოლოს კარიერას დაასრულებს, კლუბში სხვა განათხოვრებული მეკარეები არ დაბრუნდებიან და “ლეგიაც” ახალ მეკარეს ეძებს. დიდია ალბათობა, ეს ლაზარე კუპატაძე იყოს.
26 წლის ლაზარე “დინამოს” შეუცვლელ მეკარედ იქცა. ასევე, საქართველოს ნაკრებში რეგულარულად იძახებენ და ლორია-მამარდაშვილის შემდეგ მე-3 ნომერია.
2019 წელს “საბურთალოს” დატოვების შემდეგ კუპატაძე 6-თვით ლუქსემბურგშიც იყო, თუმცა მისი ვოიაჟი “იუნეს ეშხში” წარმატებული არ გამოდგა.
