თებერვალი 9, 2023

იტალიის სერია A-ს სადისციპლინო კომიტეტმა “ნაპოლი” და “რომა” 8 იანვარს მომხდარი ინციდენტის გამო დასაჯა.

“ჯალოროსისა” და “პარტენოპეის” გულშემატკივრები მათი საყვარელი გუნდის საგარეო მატჩებს 2 თვის განმავლობაში ვერ დაესწრებიან.

შეგახსენებთ, რომ 8 იანვარს “ნაპოლისა” და “რომას” ფანებს შორის უსიამოვნო ინციდენტი მოხდა. ამ ორი გუნდის ქომაგები წლებია, რაც ერთმანეთს მტრობენ. სერია A-ს მე-17 ტურში კვარაცხელიას გუნდი “სამპდორიას” სტუმრობდა, ხოლო “მგლები” – “მილანს”.

RAI News-ის ცნობით, რომაელები მილანში მიდიოდნენ, ნეაპოლელებს კი გეზი გენუისკენ ჰქონდათ.”ნაპოლის” გულშემატკივრებმა “რომას” ქომაგებით სავსე ავტობუსს ბოთლებისა და ქვების სროლა

დაუწყეს. ჩხუბი სამანქანო გზაზე გაგრძელდა და დაახლოებით რვა კილომეტრის სიგრძის საცობი შეიქმნა.

კომენტარის დატოვება

თქვენი ელფოსტის მისამართი გამოქვეყნებული არ იყო.