16 ნოემბერს, ევრო 2024-ის საკვალიფიკაციო ეტაპის მეშვიდე ტურში საქართველოსა და შოტლანდიას გამართული მატჩი 2:2 დასრულდა.
აღნიშნულ შეხვედრაში საქართველოს ნაკრების ლიდერმა ხვიჩა კვარაცხელიამ დუბლის შესრულება მოახერხა. “კვარას” შესახებ იტალიური გამოცემა Areanapoli წერს და აღნიშნავს, რომ ამ მატჩს “ნაპოლის” ახალი მწვრთნელი ვალტერ მაცარი ყურადღებით აკვირდებოდა.
“ვალტერ მაცარი საქართველოსა და შოტლანდიის მატჩს ყურადღებით უყურებდა და სავარაუდოდ გარკვეული დასკვნებიც გააკეთა. მართალია შუა სეზონში გუნდის ახალ ტაქტიკაზე გადაწყობა გარკვეულ რისკებს შეიცავს, თუმცა 3-5-2 სქემაში კვარაცხელიას ცენტრფორვარდად მოსინჯვა, შესაძლოა “პარტენოპეის” გაუმჯობესების მთავარი გასაღები გახდეს. ვნახოთ,
მიიღებს თუ არა ამ გადაწყვეტილებას მაცარი სანაკრებო შესვენების შემდეგ”, – წერს გამოცემა.
შეგახსენებთ, “ნაპოლი” სერია A-ს მომდევნო ტურის მატჩს 25 ნოემბერს, “ატალანტას” წინააღდეგ გამართავს.
