ივლისი 13, 2024

ცნობილი ესპანური გამოცემა El Nacional-ის ცნობით, “ბარსელონა” “ნაპოლის” ერთ-ერთი ლიდერით, ხვიჩა კვარაცხელიათი და “ბაიერნის” ნახევარმცველით, იოზუა კიმიხით ინტერესდება, თუმცა “ბლაუგრანასთვის” ტრანსფერების გაჩარხვა რთული იქნება.

 

“სამწუხაროდ, “ბარსელონა” ისეთ გუნდებს, როგორებიც “მანჩესტერ სიტი”, მიუნხენის “ბაიერნი” და მადრიდის “რეალი” არიან, სინათლის წლებით შორდება.

 

აღსანიშნავია, რომ “ბაიერნის” ნახევარმცველმა კიმიხმა “ბარსაში” გადასვლაზე უარი უკვე განაცხადა, გერმანელმა კატალონიურ კლუბში ტრანსფერი ხავის გამო იუარა.

 

მსგავსი სიტუაციაა ხვიჩა კვარაცხელიასთან დაკავშირებითაც. ქართველი სულ მალე ხავის გუნდს დაუპირისპირდება და მათ დიდ საფრთხესაც შეუქმნის. მიუხედავად იმისა, რომ ხვიჩას შედეგიანობა გასულ სეზონთან

შედარებით მნიშვნელოვნად შემცირდა, თავისი ტექნიკური შესაძლებლობებით გულშემატკივრების აღფრთოვანებას მაინც იწვევს.

 

22 წლის ასაკში კვარაცხელია დეკუს (“ბარსელონას” სპორტული დირექტორი) სატრანსფერო სიაში მოხვდა. მეტიც, ხვიჩა მათთვის ერთ-ერთი ყველაზე სასურველი კანდიდატია. თუმცა ტრანსფერს არა მხოლოდ შემტევის სურვილი, არამედ “კვარას” სატრანსფერო ფასიც ართულებს”, – წერს გამოცემა.

 

შეგახსენებთ, მიმდინარე სეზონში ხვიჩა კვარაცხელიამ “ნაპოლის” მაისურით ყველა ტურნირზე ჯამში 28 მატჩი გამართა, თავი კი 5 გატანილი გოლითა და ამდენივე საგოლე პასით გამოიჩინა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *