საუდის არაბეთის პრო ლიგაში ბევრმა კლუბმა გაიფორმა დიდი საფეხბურთო სახელები, რათა გაზარდოს ცნობადობა. სახელებში მოიაზრება როგორც ფეხბურთელები, ისე მწვრთნელები.
ფრანგული ვებგვერდი Foot Mercato ექსკლუზიურად იუწყება, რომ ჟოზე მოურინიო არაბეთში ერთ-ერთი ყველაზე სასურველი მწვრთნელია. მოურინიოს აყვანა ალ ჰილალს სურს.
ალ ჰილალს დაუვიწყარი სეზონი ჰქონდა, რადგან გასულ წელს მათ მხოლოდ მესამე ადგილი დაიკავეს, 13 ქულის დაშორებით პირველ ადგილიდან. ამჟამად მათ მართავს რამონ დიასი, რომელიც ადრე მუშაობდა რივერ პლეიტთან, ბოტაფოგოსთან და სხვა კლუბებთან არგენტინაში, საუდის არაბეთსა და ეგვიპტეში.
მომავალ კვირას ალ ჰილალის მფლობელი ფაჰად ბინ ნაფელი და მოურინიო ერთმანეთს ლონდონში შეხვდებიან. კლუბს სურს შესთავაზოს რამდენიმე წლიანი კონტრაქტი და გიჟური ხელფასი, თუმცა თანხა დასახელებული არ არის.
ალ ჰილალი არის კლუბი, რომელსაც სურდა ლეო მესის მოპოვება მანამ, სანამ ის მაიამის ინტერში გადასვლას აირჩევდა. მათ ჯერ კიდევ არ ჰყავთ სუპერვარსკვლავი მას შემდეგ, რაც კრიშტიანუ რონალდუ ალ ნასრში და კარიმ ბენზემა ალ იტიჰადში წავიდა. შესაძლოა, ლუკა მოდრიჩი მათი შემდეგი სამიზნე იყოს.
მოურინიომ არაერთხელ აღნიშნა, რომ სურს რომაში დარჩეს, მაგრამ უფრო მეტს იმსახურებს.
