მაისი 20, 2022

სოციალურ ქსელში საუკეთესო საქართველოს ნომერ პირველი ჩოგანის, ნიკოლოზ ბასილაშვილის შესახებ აქამდე უცნობი ინფორმაცია გავრცელდა.

ვაჟა ფშაველას შთამომავალი, ლელა რაზიკაშვილი საკუთარ Facebook-გვერდზე წერს, რომ 29 წლის ჩოგბურთელი წლების წინ ერთ მეცხრე კლასელ ბავშვს დაეხმარა, რომელსაც საზღვარგარეთ გადაუდებელი ოპერაცია სჭირდებოდა.

“მეცხრე კლასში იყო ჩემი შვილი, როცა თავისი კლასელის მძიმე ავადმყოფობის ამბავი მოიტანა სახლში. შევწუხდი ძალიან, წუხდა და დარდობდა მთელი კლასი. ბავშვებმა ფულიც კი შეაგროვეს მისთვის, ისე საჩუქრებით რომ გაეხარებინათ, თორე ის კაპიკები მის მკურნალობას როგორ ეყოფოდა! ხშირად ვკითხულობდი მის ამბავს.ბოლოს კარგი ამბავი გავიგე, ბავშვი გერმანიაში წაიყვანეს, ერთ-ერთ წამყვან კლინიკაში და გადაარჩინეს! მკურნალობის თანხა თავიდან ბოლომდე, ბავშვის დის მეუღლეს, წარმატებულ და შეძლებულ ჩოგბურთელს დაუფარავს.

როცა ბასილაშვილის ოჯახური სკანდალი აგორდა, მაშინღა გავიგე, ვინ ყოფილა ის ჩოგბურთელი ბავშვს რომ უშველა.

რა ალიმენტს არ უხდისო, რა სახლს ართმევსო? მე ვერ ვათავსებ ამ ფაქტს და ამ ხმებს ერთად!“, – წერს ლელა რაზიკაშვილი.

კომენტარის დატოვება

თქვენი ელფოსტის მისამართი გამოქვეყნებული არ იყო.