საქართველოს ნაკრებისა და ყაზანის “რუბინის” ყოფილი მცველი ლაშა სალუქვაძე მიიჩნევს, რომ “ნაპოლის” ნახევარმცველ ხვიჩა კვარაცხელიას შეუძლია ქართული ფეხბურთის ისტორიაში უდიდესი მოთამაშე გახდეს.
“ის, რომ კვარაცხელია ოქროს ბურთის ნომინაციაში მე-17 ადგილზე გავიდა, ქართული ფეხბურთისთვის დიდი მოვლენაა. ვფიქრობ, ხვიჩას წარმატება რუს ფეხბურთის გულშემატკივრებსაც უხარიათ.
მიხარია, რომ ასეთი ფეხბურთელი გვყავს, კვარას ჯერ ყველაფერი წინ აქვს. მისი კარიერა ევროპაში ჯერ ახლა იწყება. ხვიჩას შეუძლია გახდეს უდიდესი ქართველი ფეხბურთელი და კახა კალაძეს აჯობოს. , – განუცხადა სალუქვაძემ Metaratings-ს.
