აპრილი 17, 2024

14 აპრილს სერია A-ს 30-ე ტურში “კრემონეზემ” “ემპოლის” უმასპინძლა და მეტოქე მინიმალური ანგარიშით 1:0 დაამარცხა. საქართველოს ნაკრების ცენტრალურმა მცველმა ლუკა ლოჩოშვილმა, კრემონელთა რიგებში თამაში ძირითად შემადგენლობაში დაიწყო, თუმცა 49-ე წუთზე ტრავმა მიიღო და მოედანი ნაადრევად დატოვა.

 

შეხვედრის შემდეგ 24 წლის ფეხბურთელის შესახებ “კრემონეზეს” მწვრთნელმა დავიდე ბალარდინიმ ისაუბრა. მისი თქმით, ლუკას ტრავმა სერიოზული არ არის.

 

“დაცვის ხაზში ფეხბურთელების თამაშით კმაყოფილი ვარ. რაც შეეხება ლოჩოშვილს, მასთან ჯერ არ მისაუბრია. თუმცა, არ ვფიქრობ, რომ მისი ტრავმა სერიოზულია” – განაცხადა ბალარდინიმ.

 

“კრემონეზე” სერია

A-ს სატურნირო ცხრილში მე-19 ადგილს იკავებს. ბალარდინის გუნდი მორიგ მატჩს 23 აპრილს “უდინეზეს” წინააღმდეგ გამართავს. შეხვედრა თბილისის დროით 23:00 საათზე დაიწყება.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *