“ნაპოლის” პრეზიდენტმა აურელიო დე ლაურენტისმა ჟურნალისტების შეკითხვებს გასცა პასუხი. 73 წლის კინორეჟისორი Lega Seria A-ს ოფისიდან გამოსვლისას შენიშნეს და სწორედ ამ დროს ისარგებლეს მომენტით.
სხვა მნიშვნელოვან საკითხებთან ერთად, ლაურენტისმა “პარტენოპეისა” და ხვიჩა კვარაცხელიას შორის ხელშეკრულების შესაძლო გახანგრძლივების შესახებაც ისაუბრა.
“რომელ გახანგრძლივებაზე მელაპარაკებით, როცა 5-წლიანი ხელშეკრულება გვაქვს?
ისე იქცევით, როგორც ჟურნალისტები, რომლებსაც მხოლოდ ბინძური ფული აფიქრებთ და სანახაობაზე ლაპარაკი არ უნდათ,” – თქვა აურელიომ.
შეგახსენებთ, რომ ქართველ გარემარბს “პარტენოპეისთან” კონტრაქტი 2027 წლამდე აკავშირებს. იტალიურ პრესაში ბოლო პერიოდში გავრცელებული ინფორმაციის მიხედვით, ნეაპოლელებს კონტრაქტის ხანგრძლივობის 1 წლით გაზრდა და კვარას წლიური ხელფასის 4 მილიონ ევრომდე აყვანა უნდათ.
მიმდინარე სეზონში ხვიჩას ანგარიშზე 14 გოლი და 14 საგოლე გადაცემაა.
