ამსტერდამის “აიაქსის” მეკარე ანდრე ონანა ავტოავარიაში მოყვა. შემთხვევა კამერუნში მოხდა.
25 წლის ფეხბურთელი საკუთარი Range Rover-ის მარკის ავტომობილით სანაკრებო შეკრებაზე მიდიოდა, რა დროსაც ავტოავარია შეემთხვა. მიუხედავად იმისა, რომ ავტომობილები სერიოზულად დაზიანდა, ონანა არ დაშავებულა.
კამერუნის ნაკრები 2022 წლის მსოფლიოს ჩემპიონატის შესარჩევი ეტაპის ეგიდით 25 და 29 მარტს ალჟირის ეროვნულ გუნდს დაუპირისპირდება.
მედიაში გავრცელებული ინფორმაციის თანახმად, ანდრე ონანა მომავალი სეზონიდან მილანის “ინტერის” კარს დაიცავს.
