მსოფლიოს საუკეთესო ჩოგბურთელმა სერბმა ნოვაკ ჯოკოვიჩმა სამშობლოში მიმდინარე ტურნირზე 1/2 ფინალის საგზური მოიპოვა.
ჯოკოვიჩმა ბელგრადის კორტებზე 1/4 ფინალური ორთაბრძოლა არგენტინელ ფედერიკო კორიასთან ჩაატარა და მოლოდინისამებრ, მეტოქე ყველა საჩოგბურთო კომპონენტში დაიბრიყვა.
ყველა დროის ერთ-ერთმა საუკეთესო ჩოგბურთელმა სამხრეთ ამერიკელ მოწინააღმდეგეს 2-სეტში 6-1, 6-0 სძლია.
ნოვაკ ჯოკოვიჩი ბელგრადის ტურნირის 1/2 ფინალში ნიკოლოზ ბასილაშვილის მძლეველ სლოვაკ ანდრეი მარტინს შეხვდება.
დაპირისპირება 28 მაისს, შედგება.
