ხვიჩა კვარაცხელია ყაზანის რუბინის აპრილის საუკეთესო ფეხბურთელად დაასახელეს. რუსული კლუბის ვებგვერდზე ჩატარებულ გამოკითხვაში 20 წლის ქართველმა შემტევმა ძალიან დიდი უპირატესობით გაიმარჯვა.
რუბინის ვებგვერდის ცნობით, კვარაცხელიას ხმა გამოკითხულ გულშემატკივართა 90%-მა მისცა! ხვიჩამ აპრილში 3 მატჩი ჩაატარა, ყაზანელებმა სამივე მოიგეს და მათ შორის, სოჭისთან გამარჯვების გოლი გაიტანა – 1:0.
ხვიჩა ამჟამად ტრავმირებულია – მას მარცხენა ფეხის ბარძაყის კუნთი აქვს დაზიანებული. ჯერჯერობით უცნობია, შეძლებს თუ არა მოედანზე გასვლას მიმდინარე სეზონში, რომლის დასრულებამდე მხოლოდ 2 ტურია დარჩენილი.
რუბინის მაისურით 20 წლს ფეხბურთელმა ამ სეზონში რუსეთის ჩემპიონატში 23 მატჩში თავი 4 გოლითა და 8 საგოლე პასით გამოიჩინა (მითვლილია მოპოვებული პენალტებიც).
