პოლონეთის დედაქალაქ ვარშავაში ბერძნულ-რომაული სტილის ქართველმა მოჭიდავემ შმაგი ბოლქვაძემ ევროპის ჩემპიონის ტიტული მოიპოვა.
72 კილოგრამ წონით კატეგორიის გადამწყვეტ ბრძოლაში ქართველმა ფალავანმა სომეხი მალხას ამოიანი 4-1 დაამარცხა და ოქროს მედალი დაისაკუთრა.
შმაგი ბოლქვაძემ ფინალამდე 3 გამარჯვება იზეიმა
ქართველმა 1/8 ფინალში შვედი დანიელ მატია სოინი 4-0 დაამარცხა.
1/4 ფინალში რუს ჩირგიზ ლაბაზანოვს 2:0 სძლია.
1/2 ფინალში კი უნგრელ ატილა ფრიტჩს 3-1 მოუგო.
82 კილოგრამ წონით კატეგორიაში ბრინჯაოს მედალი აივენგო რიკაძემ აიღო.
ქართველმა სომეხ კარაპეტ ჩალიანს 3:2 სძლია.
ბერძნულ-რომაული ჭიდაობის ევროპის ჩემპიონატზე გამოსვლა ქართველებმა 4 მედლით დაასრულეს.
ესეც ქართველი ჩემპიონ-პრიზიორები:
ოქრო: შმაგი ბოლქვაძე
ვერცხლი: იაკობ ქაჯაია
ბრინჯაო: ლერი აბულაძე, აივენგო რიკაძე.