“ლევანტეს” 21 წლის ქართველმა ნახევარმცველმა გიორგი ქოჩორაშვილმა გუნდის მაისურით პირველი გოლი კოპა დელ რეიზე “მურსიას” გაუტანა.
ქოჩორაშვილი მოედანზე 69-ე წუთზე გამოვიდა და 87-ზე თანაგუნდელთან კომბინაციის გათამაშების შემდეგ გოლიც შეაგდო.
გიორგიმ 23 პასიდან 20 ზუსტად გააკეთა, 1 ჩაჭრა და 1 ართმევა შეასრულა და 2 საგოლე მომენტი შექმნა.
“ღვთიური ახალგაზრდული საგანძური. გიორგის პირველი გოლი პირველ გუნდთან ერთად” – ასე გამოეხმაურა “ლევანტე” ქართველის სადებიუტო ბურთს.
“მწვრთნელმა მოედანზე ენერგიული ქართველი შემოიყვანა. გოოოლ “ლევანტეს” გოლი, გიორგი ქოჩორაშვილი – ბრენდი”, – ასე გამოეხმაურა პოპულარული ესპანური AS ქოჩორაშვილის ჯერ მოედანზე შემოსვლას, შემდეგ კი მის გოლს.
