ესპანეთის დედაქალაქ მადრიდში მიმდინარე პრესტიჟულ საჩოგბურთო ტურნირზე პირველი გამარჯვება ავსტრალიელმა ეშლი ბარტიმ მოიპოვა.
მსოფლიოს საუკეთესო ჩოგბურთელმა შეჯიბრების 1/32 ფინალურ ეტაპზე ამერიკელი შელბი როჯერსი დაამარცხა.
ბარტიმ მოწინააღმდეგე მარტივად დაჩაგრა. მან როჯერსს 2-სეტში 6-2, 6-1 სძლია.
ეშლი ბარტი 1/16 ფინალურ ორთაბრძოლას საკვალიფიკაციო ეტაპის გამარჯვებულ სლოვენიელ ტამარა ზიდანშეკთან ჩაატარებს. მან პირველ წრეში ტაიპეის წარმონადგენელ სუ-ვეი ჰსიეს 2-სეტში 6-2, 6-3 მოუგო.