გერმანიის ქალაქ მიუნხენში მიმდინარე საჩოგბურთო ტურნირზე წარმატებულ გამოსვლას ქართველი ჩოგბურთელი ნიკოლოზ ბასილაშვილი აგრძელებს.
ბასილაშვილმა 1/4 ფინალური ბარიერი წარმატებით დასძლია.
ჩვენებურმა სლოვაკი ნორბერტ გომბოსი დაამარცხა.
გუშინ, შეხვედრა წვიმის გამო იმ დროს შეწყდა, როცა ბასილაშვილი პირველ სეტში 5:4-ს იგებდა.
დღეს, გაგრძელებული დაპირისპირება საქართველოს საუკეთესო ჩოგბურთელმა 2-სეტში 6-4, 6-4 მოიგო.
1/2 ფინალში ბასილაშვილის მეტოქე ATP-ს რეიტინგის 24-ე ჩოგანი ნორვიელი კასპერ რუუდი იქნება.
შეხვედრა 1 მაისს, გაიმართება.
ქართველი და სკანდინავიელი ჩოგბურთელები, აქამდე ერთმანეთს არასოდეს შეხვედრიან.